,,Mér fannst ég ekki eiga heima þarna" : brottfall úr framhaldsskóla og ávinningur þess að snúa aftur í nám

Markmið rannsóknarinnar er að kanna hvaða þættir hafa áhrif á brotthvarf nemenda úr framhaldsskóla og hvaða ávinning þeir sjá af því að snúa aftur í nám. Rannsóknin er viðtalsrannsókn. Tekin voru fimm viðtöl við nemendur á aldrinum 23–38 ára sem ekki höfðu lokið námi í framhaldsskóla. Niðurstöður rannsóknarinnar benda til þess að þeir þættir sem hafa áhrif á brotthvarf nemenda úr framhaldsskóla séu lítill stuðningur foreldra, lítil skuldbinding gagnvart námi og skóla, takmörkuð trú á eigin getu og áhuga-leysi. Niðurstöðurnar benda einnig til þess að viðmælendur telji ákveðinn ávinning felast í því að ljúka framhaldsskóla. Sá ávinningur er aðallega óskin um nýjan starfsvettvang, starfsöryggi og að standa jafnfætis öðrum.